തട്ടിനുമുട്ട്‌

തട്ടിനും മുട്ടിനും ഇടയില്‍അമ്മയുടെ ഗര്‍ഭപാത്രതില്‍ നിന്നും ആരോ പുറത്തേക്കുതട്ടിയത്‌ പണ്ടു പണ്ടാണ്‌.
തലയും മുട്ടി ഒറ്റ വീഴ്ച പൃഥ്വീലോട്ട്‌.അമ്മയുടെ മുലപ്പാല്‍ മുട്ടി മുട്ടികുടിച്ചു.
അമ്മ ചന്തിയില്‍ തട്ടിത്തട്ടി വളര്‍ത്തി....
തട്ടിയുമ്മുട്ടിയും വളരുമ്പോള്‍ ഒരു ദിവസം ഒറ്റത്തട്ട്‌ പള്ളിക്കൂടത്തിലോട്ട്‌.
അതോടെ വളര്‍ച്ച മുട്ടി.
കൗമാരത്തിന്റെ തട്ടിന്‍പുറത്തിരുന്ന്‌ അവളെന്നെയൊന്നു മുട്ടി.
തട്ടിയും മുട്ടിയും ഒരു പ്രണയം പിച്ച വെച്ചു.
ജീവിതം തട്ടിയും മുട്ടിയും മുന്നോട്ടു പോകുമെന്നു പറഞ്ഞപ്പോള്‍..
പുറം കാലുകൊണ്ടുള്ള അവളുടെ തട്ട്‌ കരളില്‍ ചെന്നു മുട്ടി.
ഇപ്പോള്‍ എപ്പോഴും എവിടെയെങ്കിലും ചെന്നു മുട്ടും.
ആരെങ്കിലും ഒന്നു തട്ടൂ ഞാനൊന്നുണരട്ടെ..